2025 میں پولیوکا ایک اور کیس سامنے آگیا، تعداد 70 ہو گئی

2025 میں پولیو کا ایک اور کیس سامنے آ گیا، گزشتہ سال سے اب تک کیسز کی تعداد 70 ہوگئی ہے۔

قومی ادارہ صحت میں پولیو کے خاتمے کے لیے قائم ریجنل ریفرنس لیبارٹری نے کراچی کے ضلع شرقی سے ایک بچے میں وائلڈ پولیو وائرس ٹائپ ون (ڈبلیو پی وی ون) کی تصدیق کی ہے۔

کراچی ایسٹ کا بچہ پولیو وائرس سے متاثر نکلا، بچے کے نمونے 21 دسمبر 2024 کو پولیو کی لیبارٹری بھجوائے گئے تھے، قومی ادارہ صحت کی پولیو لیبارٹری نے بھی نئے کیس کی تصدیق کر دی۔

رپورٹ کے مطابق گزشتہ سال اب تک پولیو کیسز کی مجموعی تعداد 70 تک پہنچ گئی ہے، 2024 کے دوران کراچی ایسٹ میں پولیو کے 2 کیسز رپورٹ چکے ہیں۔

ملک میں سال 2024 میں ڈبلیو پی وی ون کے 70 کیسز رپورٹ ہوئے ہیں۔ان میں سے 27 کا تعلق بلوچستان، 21 کا خیبرپختونخوا، 20 کا سندھ، اور ایک ایک کا تعلق پنجاب اور اسلام آباد سے ہے۔

کیسز کی بڑھتی ہوئی تعداد کے باعث حکومت نے وائرس کے پھیلاؤ پر قابو پانے کے لیے کوششیں تیز کردی ہیں۔رواں سال کی پہلی ملک گیر ویکسی نیشن مہم 3 سے 9 فروری تک شیڈول ہے۔