ویسٹ انڈیز کے خلاف ٹیسٹ سیریز،پی سی بی نے اسکواڈ کا اعلان کر دیا

لاہور: پاکستان کرکٹ بورڈ(پی سی بی) نے ویسٹ انڈیز کے خلاف ہوم ٹیسٹ سیریز کے لیے قومی ٹیم کا اعلان کر دیا۔
ویسٹ انڈیز کے خلاف ٹیسٹ سیریز کے لیے پی سی بی کی جانب سے اعلان کردہ15 قومی اسکواڈ شان مسعود، سعود شکیل، ابرار احمد، بابر اعظم، امام الحق اور کامران غلام شامل ہیں۔
محمد علی، محمد ہریرا، محمد رضوان، نعمان علی۔ روحیل نذیر، کاشف علی، خرم شہزاد، ساجد خان اور سلمان علی آغا بھی اسکواڈ کا حصہ ہوں گے۔
خیال رہے کہ پاکستان اور ویسٹ انڈیز کے درمیان 2 ٹیسٹ میچوں کی سیریز 17 جنوری سے ہو گا۔ اور دونوں ٹیسٹ میچ 29 جنوری تک ملتان میں ہی کھیلے جائیں گے۔
دونوں ٹیموں کے درمیان سیریز کا پہلا میچ 17 سے 21 جنوری اور دوسرا ٹیسٹ 25 سے 29 جنوری تک ملتان میں کھیلا جائے گا۔
دوسری جانب پی سی بی نےپاکستان ویسٹ انڈیز ٹیسٹ میچوں کی سیریز کے لیے ٹکٹوں کی فروخت کا اعلان کردیا ہے۔ 
 یہ ٹکٹ ملتان میں 11 نجی کوریئر کمپنی سینٹرز پر دستیاب ہوں گے۔ جبکہ فرسٹ کلاس اور جنرل انکلوژرز کے لیے داخلہ مفت ہو گا۔
پاکستان کرکٹ بورڈ (پی سی بی) نے گیلری کے ٹکٹ کی قیمت 500 روپے، وی آئی پی انکلوژرز کے ٹکٹ 150 روپے اور پریمیم انکلوژرز کے ٹکٹ کی قیمت 100 روپے مقرر کی ہے۔