گورنر کے اعتراضات مسترد،خیبرپختونخوا حکومت نے یونیورسٹیز ترمیمی ایکٹ منظور کر لیا

پشاور:خیبرپختونخوا حکومت نے کی یونیورسٹیز ترمیمی ایکٹ پرگورنر فیصل کریم کنڈی کی جانب سے عائد کیے اعتراضات مسترد کرتے ہوئے بل کی منظوری دے دی ہے جس کہ تحت خیبرپختونخوا میں گورنر کی بجائے وزیراعلیٰ علی امین گنڈاپور کو جامعات کا چانسلر بنا دیا گیا۔
واضح رہے کہ کچھ روز قبل صوبائی اسمبلی نے خیبرپختونخوا یونیورسٹیزترمیمی بل 2024 پاس کرکے گورنر کو منظوری کیلئے بھیجا تھا تاہم جس پر گورنر نے اعتراض لگا کر بل واپس کردیا تھا۔
تاہم صوبائی حکومت نے خیبر پختونخوا یونیورسٹیز ترمیمی ایکٹ پر گورنر کے اعتراضات مسترد کرتے ہوئے کے پی یونیورسٹیز ترمیمی ایکٹ کا گزٹڈ اعلامیہ جاری کردیا۔
گزٹڈ اعلامیے کے مطابق وزیراعلیٰ سرکاری جامعات کے چانسلر بن گئے ہیں۔
منظور کر دہ ترمیمی بل کے تحت اب وزیراعلیٰ علی امین گنڈاپور کو یہ اختیار حاصل ہوگا کہ وہ اکیڈیمک سرچ کمیٹی کی تجویز کردہ تین ناموں میں سے کسی ایک کو وائس چانسلر مقرر کریں۔
بل کے تحت وائس چانسلر کی تقرری کا دورانیہ چار سال مقرر کیا گیا ہے تاہم اگر کارکردگی غیر تسلی بخش ہو تو یہ مدت کسی بھی ختم بھی کی جا سکتی ہے۔