ڈونلڈ ٹرمپ کی صدر بنتے ہی روس پر پابندیاں لگانے کی دھمکی

امریکی صدر ڈونلڈ ٹرمپ کا کہنا ہے کہ روسی صدر پیوٹن یوکرین مسئلے پر مذاکرات کی میز پر نہ آئے تو ممکن ہے روس پر پابندیاں عائد کروں جبکہ چین کے صدر سے بھی کہا ہے کہ یوکرین کا مسئلہ حل کرنے میں مدد کریں۔ 

واشنگٹن میں امریکی صدر ڈونلڈ ٹرمپ نے صحافیوں سے گفتگو کرتے ہوئے کہا کہ روسی صدر پیوٹن کو یوکرین کے مسئلے پر مذاکرات کی میز پر آنا چاہیے۔پیوٹن مذاکرات کی میز پر نہ آئے تو ممکن ہے روس پر پابندیاں عائد کروں۔

ٹرمپ نے کہا کہ یورپی یونین کو یوکرین پر زیادہ اخراجات کرنے چاہئیں ،چین کے صدر سے بھی کہا ہے یوکرین کا مسئلہ حل کرنے میں مدد کریں۔ 

امریکی صدر نے کہا کہ چین پر یکم فروری سے 10 فیصد ٹیرف عائد کرنے کا سوچ رہے ہیں۔

اس کے علاوہ ٹرمپ  نے 500 ارب ڈالر کے اسٹارگیٹ اےآئی پروجیکٹ کا بھی اعلان کیا اور کہا کہ اوپن اےآئی، سافٹ بینک، اوریکل اےآئی میں 500 ارب ڈالر کی سرمایہ کاری کریں گی،اس سے ایک لاکھ ملازمتیں پیدا ہوں گی۔

ٹرمپ کا کہنا تھا کہ ایلون مسک کے ٹک ٹاک خریدنےکےلیے میں تیار ہوں، ٹک ٹاک کے مالکان سے میری ملاقات ہوئی ہے، سوچ رہاہوں کسی سے کہہ دوں کہ ٹک ٹاک خریدے اور نصف امریکا کو دے۔