چیمپئنزٹرافی: بھارت کٹ پرپاکستان کا نام لکھنے پررضامند ہو گیا

بھارت نےچیمپینز ٹرافی میں اپنی ٹیم جرسی پرپاکستان کا نام لکھنے کی تصدیق کردی۔

بھارتی کرکٹ بورڈکے سیکرٹری  دیوجیت سیکیا نے تصدیق کرتے ہوئے کہا کہ انٹرنیشل کرکٹ کونسل  قوانین پر مکمل طور پر عمل کریں گے۔
کھیلوں کی ویب سائٹ ’کرک بز‘ کےمطابق بھارتی کرکٹ کنٹرول بورڈ نے واضح کیا ہے کہ بھارتی ٹیم چیمپئنز ٹرافی کیلئےآئی سی سی کی جانب سے آفیشل لوگوں سے متعلق مقرر کردہ اصولوں پرعمل کرے گی۔

آئی سی سی کے آفیشل لوگو سےمتعلق پوچھے گئے سوال پر بی سی سی آئی کے سیکریٹری دیوجیت سیکیا نےتصدیق کی ہم آئی سی سی کی ہدایات پر عمل کریں گے۔

یاد رہے کہ گزشتہ کئی روز سےسوشل میڈیا پر ایسی اطلاعات گردش کررہی تھیں کہ بھارت چیمپئنز ٹرافی میں اپنی جرسی پر میزبان ملک پاکستان کا نام نہیں چھاپنا چاہتا، تاہم سیکریٹری بی سی سی آئی کےاس بیان کے بعد یہ معاملہ اب ختم ہوگیا ہے۔

2017میں ہونے والی چیمپئنز ٹرافی میں شریک تمام ٹیموں کی جرسی پر انگلینڈ اور ویلز کا نام شامل تھا، اسی طرح پاکستانی کھلاڑیوں نے ورلڈکپ 2023 کی شرٹس پر کوئی اعتراض نہیں کیا تھا اس ایونٹ کے لوگوں میں بھارت کا نام شامل تھا۔