آسکر ایوارڈ 2025 کی نامزدگیوں کا اعلان، فلم ’’ایمیلیا پیریز‘‘ سرفہرست

لاس اینجلس:سال 2025ء کیلئے آسکر ایوارڈز کی نامزدگیوں کا اعلان کر دیا گیا،جس میں ہسپانوی تھرلر فلم "ایمیلیا پیریز" 13 نامزدگیوں کے ساتھ سرفہرست ہے۔
جبکہ فلم ’’The Brutalist‘‘ اور’’Wicked‘‘نے 10،10 نامزدگیاں حاصل کیں،تینوں فلمیں آسکرز ایوارڈ میں بہترین فلم کا ٹائٹل جیتنے کے لیے مقابلہ کریں گی۔
نامزد فلموں میں بھارتی دارالحکومت دہلی میں فلمائی گئی شارٹ فلم ’انوجا‘ بھی شامل ہے، یہ  اداکارہ پریانکا چوپڑا کی بطور ایگزیکٹو پروڈیوسر پہلی فلم ہے۔

 97 ویں اکیڈمی ایوارڈز کی تقریب 2 مارچ کو لاس اینجلس میں سجے گی، لاس اینجلس میں آگ لگنے کی وجہ سے آسکر ایوارڈ زکی تاریخ کو تبدیل کیا گیا۔
بہترین اداکارہ کے ایوارڈ کے لیے 'Emilia Perez' کی اسٹار کارلا سوفیا کو بھی نامزد کیا گیا ہے جبکہ اداکارہ ڈیمی مور نے 4 دہائیوں کے کیریئر میں پہلی بار آسکر نامزدگی حاصل کی۔
جبکہ آسکرز کیلئے نامزد بہترین اداکار ایڈرین بروڈی ،رالف فینیز، گائے پیئرس ، ایریانا گرانڈے، زوئی سلیڈانا جیتنے کیلئے پر اُمید ہیں۔ 
خیال رہے کہ لاس اینجلس کے جنگلات میں لگنے والی آگ کی وجہ سے نامزدگیوں کو 2 بار ملتوی کیا گیا تھا۔
لاس اینجلس میں جنگلات کی آگ سے 28 افراد ہلاک ہوچکے ہیں۔
آسکر ایوارڈ کا آغاز 1929ءمیں ہوا تھاجب ہالی وُڈ کے روز ویلٹ ہوٹل میں محدود پیمانے پر ایوارڈ تقسیم کئے گئے تھے اورشُرکاءکی تعداد صرف 270 تھی ،اس موقع پرصرف 15 ایوارڈ تقسیم ہوئے تھے اورایوارڈ تقریب صرف 15 منٹ جاری رہی تھی۔