جتنا بھی دباؤ ہو ہمارے تعلقات تبدیل نہیں ہوں گے، وزیراعظم عمران خان

تفصیلات کے مطابق وزیراعظم کا چینی میڈیا سے بات کرتے ہوئے مزید کہناتھاکہ میں اگلے ہفتے گوادر جارہا ہوں ، ہم پاکستان اور چین کے میڈیا کے درمیان تعلقات کے خواہاں ہیں ۔ پاکستان میں چینی صدر کو جدید دور کا بہترین سیاست دان کہا جاتا ہے ۔ آج کی ملاقات کا مقصد میڈیا تعلقات کو بہتر کرنا ہے ۔

یہ بھی پڑھیں : کورونا ویکسین سے متعلق اہم خبر

انہوں نے مزید کہا کہ چین نے چند سالوں میں ستر کروڑوں لوگوں کو غربت سے نکالا ہے ۔ میڈیا اور  ثقافتی تعلقات اتنے قریبی نہیں ہیں جتنے سیاسی تعلقات ہیں ۔ چینی صدر کی کرپشن کے خلاف جنگ سے پاکستانی متاثر ہیں ۔ سی پیک منصوبوں کا جائزہ لینے کے لیے اعلیٰ سطحی کمیٹی قائم ہے ۔

یہ بھی پڑھیں : ایف بی آر نے ٹیکس وصولی سالانہ ہدف حاصل کرلیا

وزیراعظم کا کہناتھاکہ شعبہ زراعت میں چین کے طریقہ کار سے فائدہ اٹھا سکتے ہیں ۔ ہم چین سے سیکھ کر زراعت کو بڑھا سکتے ہیں ۔  سی پیک بیلٹ اینڈ روڈ میں ایک اہم منصوبہ ہے ۔ سپیشل اکنامک زونز میں چین کو لانا چاہتے ہیں ۔

یہ بھی پڑھیں : کپل شرما نے اپنے شو کا معاوضہ بڑھا دیا

چین نے غربت کے خاتمے کا جو اعلان کیا ہے وہ شاندار ہے ۔ اگلے ہفتے گوادر کا دورہ کروں گا ۔ میں وہاں چینی کارکنوں سے ملوں گا۔ سی پی سی ایک منفرد ماڈل ہے ۔  سی پیک کا اگلا مرحلہ پاکستان کے لیے بڑا فائدہ مند ہے ۔