واٹس ایپ میں " ویو ونس" نامی نئے فیچر کا اضافہ

ٹیکنا لوجی ویب سائٹ کے مطابق میسنجر اور  فوٹو شئیرنگ ایپ انسٹاگرام میں خود کار  ڈیلیٹ ہونے والے میڈیا اور ٹیکسٹ پیغامات کو متعارف کروانے کے بعد اب اسی سے مشابہت رکھتا فیچر واٹس ایپ میں بھی  متعارف کروایا جا رہا  ہے۔ واٹس ایپ کے اینڈرائیڈ بیٹا ورژن میں " ویو ونس" کے نام سے ایک نیا فیچر متعارف کروایا گیا ہے ، جس میں پیغام کو  ایک بار دیکھنے کے بعد فوٹوز اور ویڈیوز چیٹ فیڈزسے غائب  ہوجائیں گی ۔

ٹیکنالوجی ویب سائٹ کے مطابق بیٹاورژن میں اس نئے فیچر میں ٹائمر جیسا ایک بٹن موجود ہے  ، یہ نیا فیچر واٹس ایپ میں گزشتہ سال شامل ہونے والے ڈس اپیئرنگ فیچر سے قدرے  مختلف ہے جہاں پیغامات 7 دن کے اندر فیڈ سے ڈیلیٹ ہوجاتے ہیں۔ اس نئے فیچر میں بھیجی جانے والی تصاویر اور ویڈیو کو  ایک بار دیکھا یا استعمال کیا جاسکتا ہے اور جیسے ہی آپ ایپ کو بند کرتے ہیں تو وہ غائب ہوجاتے ہیں۔

صارفین کو ایک بار وہ میڈیا فائلز دیکھنے پر نوٹیفکیشن بھی موصول ہوتا ہے۔رپورٹ کے مطابق پیغام وصول کرنیوالا ڈس ایبل کرنے پر بھی" ون مور میسج"  کو دیکھنے پر دیگر افراد کو نوٹیفکیشن مل جائے گا کہ آپ نے میسج کو دیکھا ہے تاہم آپ کو علم نہیں ہوسکے گا کہ آپ کا بھیجا  گیا پیغام کس نے اور کب کھولا ۔ اس کے علاوہ ان پیغامات کے اسکرین شاٹ لینا بھی ممکن ہے ۔

اس فیچر کی ایک خاصیت یہ بھی ہے کہ پیغام  ایک بار کھولنے پر اس  کو آگے بھی فارورڈ کیا جاسکتا ہے اور اس وقت بھی یہ فیچر کام کرے گا چاہے دوسرے  صارف کو اس فیچر تک رسائی نہ ہو۔ آئی او ایس ڈیوائسز میں اس نئے فیچر کو کچھ ماہ  بعد متعارف کروایا جائے گا۔