وزیراعظم شہباز شریف کی خصوصی ہدایت پر’’پرائم منسٹر یوتھ کونسل‘‘ تشکیل دے دی گئی

اسلام آباد: وزیراعظم شہباز شریف کی خصوصی ہدایت پر’’پرائم منسٹر یوتھ کونسل‘‘ تشکیل دے دی گئی ہے۔

وزیراعظم کے معاونِ خصوصی رانا مشہود کی زیرنگرانی یوتھ کونسل کا قیام عمل میں لایا گیا، یوتھ کونسل پاکستان کی پہلی نیشنل یوتھ پالیسی تشکیل دے گی۔

یوتھ کونسل کیلئے پاکستان سے 100، دنیا بھر سے 13 پاکستانی نوجوانوں منتخب ہوگئے۔

نوجوان گرین اکانومی سمیت جدید چیلنجز پر پالیسی سازی میں مدد کریں گے، یہ نوجوان بطور وزیراعظم کی یوتھ ایڈوائرزی کونسل فرائض منصبی انجام دیں گے۔

اس کے علاوہ کامن ویلتھ ایشیاء یوتھ سمٹ اور ایشیا ریجنل یوتھ منسٹرز میٹنگ آج ہوگی، پرائم منسٹر یوتھ کونسل پالیسی سازی میں بطور وزیراعظم کے مشیر کام کریں گے۔

28 جنوری کو یوتھ کونسل کی تقریب حلف برادری ہو گی، وزیراعظم حلف لیں گے، کلائمٹ چیمپئنز اور یوتھ ایکسیلنس ایوارڈز دیے جائیں گے، یوتھ کونسل کے ارکان مختلف علمی و عملی سرگرمیوں میں حصہ لیں گے۔