پاکستان کی کامیڈی اور تھرل سے بھرپور ویب سیریز ’فروٹ چاٹ‘ کا ٹریلر ریلیز

پاکستان کے عالمی ایوارڈ یافتہ نوجوان ہدایتکار معیز عباس کی کامیڈی تھرل ویب سیریز ’فروٹ چارٹ‘ کا ٹریلر ریلیز کردیا گیا۔

 8 قسطوں پر مشتمل اس ویب سیریز کی کہانی مشہور رائٹر اور ہیومن ایکٹیوسٹ تنزیلا خان نے تحریر کی ہے، جو خود اس میں ’شبانہ‘ نامی لڑکی کا مرکزی کردار ادا کر رہی ہیں۔ اس میں پاکستان شوبز کے معروف اداکار فواد جلال، نادیہ افغان اور تمکنت منصور اداکاری کے جوہر دکھاتے نظر آئے گے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Moiz Abbas (@imoizabbas)

’فروٹ چارٹ‘ کی کہانی ایک باہمت اور تعلیم یافتہ لڑکی شبانہ کے گرد گھومتی ہے، جو وہیل چیئر پر ہے اور معذوری کے باوجود زندگی میں درپیش چیلنجز کا ڈٹ کر مقابلہ کرتے ہوئے معاشرے میں اپنا مقام بنانے کی کوشش کر رہی ہے۔اس ویب سیریز میں معذوری سے جڑے سماجی تصورات اور تعصبات کو اجاگر کیا گیا ہے جس کو کامیڈی انداز میں پیش کیا گیا ہے۔

کامیڈی سے بھرپور یہ منفرد کہانی ناظرین کو لطف اندوز کرنے کے ساتھ ساتھ ایک معذور لڑکی کیلئے روزگار، محبت، دوستی کی ضرورت و اہمیت اور ایک عورت کو معاشرے میں پیش آنے والے مسائل جیسے موضوعات پر روشنی ڈالے گی۔

یاد رہے کہ ’فروٹ چارٹ‘ پہلے ایک مختصر فلم کی شکل میں پیش کی گئی تھی، جس نے مسلم انٹرنیشنل فلم فیسٹیول (یو کے)، ویمن انٹرنیشنل فلم فیسٹیول، اور روس سے ’بہترین مختصر فلم‘ کے ایوارڈز اپنے نام کیے تھے۔

اس ویب سریز کو فروری میں یوٹیوب چینل ’Iwishventures‘ پر ریلیز کیا جائے گا۔