واشنگٹن ائیرپورٹ کے قریب مسافر طیارہ اور فوجی ہیلی کاپٹر آپس میں ٹکرا گئے

واشنگٹن ائیرپورٹ کے قریب مسافر طیارہ اور فوجی ہیلی کاپٹر آپس میں ٹکرا گئے۔

امریکی میڈیا کی رپورٹ کے مطابق کینساس سے آنے والا چھوٹا طیارہ ایک فوجی ہیلی کاپٹر کو ہوا میں ٹکرانے کے بعد واشنگٹن میں دریائے پوٹومیک میں گر کر تباہ ہو گیا جس کے باعث ریگن ایئرپورٹ پر تمام پروازیں روک دی گئیں، طیارے میں 60 مسافر اورعملے کے 4 ارکان سوار تھے۔ حادثے کے بعد ریسکیو ٹیمیں جائے وقوع پر پہنچ گئیں۔حکام نے بتایا کہ 3امریکی فوجی بلیک ہاک ہیلی کاپٹر میں سوار تھے۔

واشنگٹن میں پولیس نے کہا کہ وہ دیگر ایجنسیوں کے ساتھ مل کر دریائے پوٹومیک میں ہونے والے حادثے کی تفتیش کر رہے ہیں۔ امریکی فیڈرل ایوی ایشن اتھارٹی کے مطابق پی ایس اے ائیرلائنز Bombardier اور علاقائی جیٹ سیکورسکی H-60 ​​ہیلی کاپٹر کے درمیان تصادم ہوا ہے۔ رپورٹس کے مطابق بمبارڈیئر CRJ700 طیارے میں 78 افراد کے بیٹھنے کی گنجائش ہے۔

امریکی حکام کا بتانا ہےکہ حادثے کا شکار ہونے والے طیارے میں 64 مسافر سوار تھے، حادثے کی اطلاع ملتے ہی امدادی کارروائیاں شروع کردی گئی ہیں۔ امریکی فوجی حکام کے مطابق مسافر طیارے سے ٹکرانےوالے فوجی ہیلی کاپٹر میں 3 اہلکار سوار تھے۔

امریکی میڈیا کے مطابق مسافر طیارے سے ٹکرانے والا بلیک ہاک فوجی ہیلی کاپٹرتربیتی پرواز پر تھا۔

حادثے کے بارے میں صدر ٹرمپ کو آگاہ کر دیا گیا۔ امریکی حکام کی جانب سے معاملے کی تحقیقات جاری ہیں جبکہ صدر ٹرمپ کا بھی بیان سامنے آیا ہے جس میں انہوں نے کہ ہے کہ وہ خوفناک حادثے کی صورتحال کی مسلسل نگرانی کر رہے ہیں۔