معروف اداکار انور اقبال انتقال کرگئے

تفصیلات کے مطابق  ڈرامہ انڈسٹری کے معروف اداکارانور اقبال انتقال کرگئے ہیں۔اداکار انور اقبال کے بھائی احمد اقبال نے تصدیق کردی ہے۔انور اقبال   دل کے عارضے کا شکار اورکافی عرصےسے علیل تھے۔نماز جنازہ آج بعدنماز عشاء بیت المکرم مسجد گلشن اقبال کراچی میں ادا کی جائے گی۔

اہلخانہ کا کہنا ہے کہ  اداکارانوراقبال کی تدفين ميوہ شاہ قبرستان ميں ہوگی ۔

انور اقبال اداکاری کے علاوہ استاد بھی تھے۔انور اقبال نے اردو اور سندھی ڈراموں میں یادگار کردار ادا کیے۔ ڈراما سیریل ’’شمع‘‘ نے انہیں شہرت کی بلندیوں پر پہنچادیا۔

گزشتہ ماہ   سوشل میڈیا پر ایک تصویر وائرل ہوئی جس میں اداکار انوار اقبال شدید علیل نظر آرہے تھے ۔ اداکار نے اپنے مداحوں اور ان کی صحت کے لیے دعا کرنے والوں کا شکریہ ادا کیا ۔