ڈی جی خان میں پولیس نےچیک پوسٹ پردہشتگردوں کا حملہ ناکام بنادیا

پنجا ب کے ضلع ڈیرہ غازی خان میں پولیس چیک پوسٹ پردہشتگردوں کی جانب سے حملہ کیا گیا جس کوپنجاب پولیس کے جوانوں نے بروقت کارروائی کرتے ہوئے ناکام بنادیا۔
ترجمان پنجاب پولیس کے مطابق ڈیرہ غازی خان کے تھانہ وہواکی جھنگی پولیس چیک پوسٹ پردہشت گردوں نے حملہ کیا جسےپنجاب پولیس کے جوانوں نے حملہ ناکام بنا دیا۔
ترجمان کا کہنا ہے کہ 15 سے 20 دہشت گردوں نے مختلف اطراف سےچیک پوسٹ پر حملہ کیا، دہشتگردوں نےحملے میں راکٹ لانچرزسمیت جدید اسلحہ استعمال کیا۔
تاہم پولیس کی جوابی کارروائی کرتے ہوئے دہشتگردوں کے حملے کو ناکام بنا دیا، جبکہ دہشت گرد فرار ہوگئے،  پولیس ٹیموں کا علاقے میں سرچ آپریشن جاری ہے۔
 ترجمان پنجاب پولیس کے مطابق آر پی او ڈی جی خان کیپٹن (ر) سجاد حسن خان منج نے پولیس آپریشن کی قیادت کی، ڈی پی او ڈی جی خان سید علی بھی ہمراہ تھے۔