سال 2024 میں سب سے زیادہ کونسا فون فروخت ہوا؟

لاہور:سال 2024 میںسب سے زیادہ فروخت ہونےوالا اسمارٹ فون کوئی سستا اینڈرائیڈ فون نہیں بلکہ ایپل کا آئی فون 15 تھا۔
 اسمارٹ فونز کی فروخت کے اعدادوشمار جاری کرنے والی کمپنی Canalys کی رپورٹ کے میں سال2024 میں سب سے زیادہ فروخت ہونے والے اسمارٹ فونز کے بارے میں بتایا گیا۔
رپورٹ کے مطابق سال 2024 میں سب سے زیادہ فروخت ہونے والے فونز کی فہرست میں 10 میں سے 7 اسمارٹ فونز ایپل کے تیار کردہ آئی فونز ہیں،درحقیقت ٹاپ 3 اسمارٹ فونز ایپل کے مختلف آئی فونز تھے۔
 دنیا بھر میں سب سے زیادہ فروخت ہونے والا فون آئی فون 15 تھا جس کا مارکیٹ شیئر مجموعی طور پر 3 فیصد رہا،دوسرے نمبر پر حیران کن طور پر آئی فون 16 پرو میکس رہا جو ستمبر 2024 میں متعارف کرایا گیا تھا، جبکہ آئی فون 15 پرومیکس کے حصے میں تیسرا نمبر آیا۔
اسی طرح سام سنگ گلیکسی اے 15، آئی فون 16 پرو، آئی فون 15 پرو اور آئی فون 16 بالترتیب چوتھے سے 7 ویں نمبر پر سب سے زیادہ فروخت ہونے والے اسمارٹ فونز رہے،آئی فون 13 کے حصے میں 10 واں نمبر آیا۔