سندھ میں سیاحت کے فروغ کے لیے تھر ڈیزرٹ سفاری ٹرین کا آغاز

کراچی: سندھ میں سیاحت کو فروغ دینےکے لیے صوبائی حکومت کی جانب سے تھر ڈیزرٹ سفاری ٹرین کا آغاز کر دیا گیا ہے۔
پہلی ٹرین کراچی کینٹ ریلوے اسٹیشن سے تھرپارکر کے لیے روانہ ہوئی گئی ہے،تھر ڈیزرٹ ٹرین کراچی سے براستہ حیدرآباد، میرپور خاص اور پاک بھارت سرحدی علاقے تک جائے گی،سفر کے دوران کیمپنگ، بون فائر، موسیقی اور مزے مزے کے کھانے بھی سیاحوں کو پیش کیے جائیں گے۔
 سفر کے دوران سیاح کراچی، حیدر آباد، میرپور خاص، چھور اور کھوکھرا پار کے حسین ثقافتی رنگوں اور روایتی ورثے سے لطف اندوز ہوں گے۔تھر ڈیزرٹ ٹرین سفاری میں پانچ بوگیاں لگائی گئی ہیں، ٹرین میں ایک ڈائننگ بوگی اور بزنس کلاس بوگی بھی شامل ہے۔
تھر ڈیزرٹ ٹرین کا افتتاح صوبائی وزیر سیاحت ذوالفقار علی شاہ نے کیا اور ٹرین میں سوار ہو کر روانہ ہوئے۔
اس موقع پر گفتگو کرتے ہوئے ان کا کہنا تھا کہ یہ منصوبہ سندھ کے قدرتی حسن، لوک موسیقی، روایتی دستکاریوں اور تھر کے منفرد طرز زندگی کو دنیا کے سامنے اجاگر کرنے کے لئے تیار کیا گیا ہے۔ انہوں نے کہا کہ ڈیزرٹ ٹرین سفاری حکومت سندھ کا اقدام ہے، پبلک پرائیویٹ پارٹنر شپ نہیں، ٹرین کے ذریعے سیاح تھر کے خوبصورت نظارے دیکھ سکیں گے۔
وزیر سیاحت سندھ ذوالفقار علی شاہ نے کہا کہ ٹرین کا کوئی کرایہ کسی سے نہیں لیا گیا ہے، سیاح ٹرین کے ذریعے تھر کے خوبصورت نظارے دیکھ سکیں گے، چھور میں سیاحوں کیلئے بہترین انتظام کیا گیا ہے، ان کاکہنا تھا کہ سندھ میں سیاحت کو فروغ دے رہے ہیں۔
وزیر سیاحت ذوالفقار علی شاہ  کا کہنا تھا کہ یہ منصوبہ سندھ کے قدرتی حسن، لوک موسیقی، روایتی دستکاریوں اور تھر کے منفرد طرز زندگی کو دنیا کے سامنے اجاگر کرنے کے لئے تیار کیا گیا ہے۔ انہوں نے کہا کہ ڈیزرٹ ٹرین سفاری حکومت سندھ کا اقدام ہے، پبلک پرائیویٹ پارٹنر شپ نہیں، ٹرین کے ذریعے سیاح تھر کے خوبصورت نظارے دیکھ سکیں گے۔