82 سالہ خاتون خلا باز، رواں ماہ خلا کے سفر پر روانہ ہوں گی

غیر ملکی خبر ایجنسی کے مطابق 82 سالہ  والی  فنک نے 1960ء میں خلائی تربیت حاصل  کرنے والی پہلی خاتون  تھیں تاہم انہیں اس وقت خاتون ہونے کی وجہ سے خلائی سفر پر نہیں لے جایا گیا تھا۔ والی فنک 20 جولائی کو دنیا کی ضعیف العمر ترین خلاباز ہونے کا اعزاز اپنے نام کریں گی ۔

جیف بزوز کی کمپنی بلیو اوریجن  نے سماجی رابطے کی ویب سائٹ ٹوئٹر پر اس  کی اطلاع دی ۔ " بلیواوریجن نے اعلان کیا کہ فنک 20 جولائی کو ٹیکساس سےبلیو اوریجن کے خلائی جہاز نیو شیپرڈ میں  ساتھ ہونگی ، اور یہ ان کیلئے اعزاز کی بات ہے ۔

Welcome aboard, Wally. Here’s the moment Jeff Bezos asked Wally Funk to join our first human flight on July 20 as our honored guest. https://t.co/ESBJ7bxErK

— Blue Origin (@blueorigin) July 1, 2021

والی فنک   کے ساتھ ارب پتی جیف بزوز، بھائی مارک بزوز اور ایک اور شخص  ہوں گے۔چوتھے خلاباز نے 28 ملین ڈالر کی نیلامی جیت کر اس خلائی سفر کے لیے نشست خریدی ہے۔

 دنیا کے ارب پتی افراد میں شامل  ،  ایمیزون کے بانی جیف بیزوس نے ایک انسٹاگرام ویڈیو میں  کہا کہ  " اب کسی کو زیادہ انتظار نہیں کرنا پڑے گا " ۔

ان کا کہنا تھا  کہ  " ٹھیک ہے  کہ  آپ  خاتون ہیں ، آپ ایسا نہیں کرسکتے ہیں ۔۔۔ لیکن میرا ماننا ہے کہ اس سے کوئی فرق نہیں پڑتا ہے کہ آپ کیا ہیں۔ آپ اب بھی یہ کر سکتے ہیں اگر آپ یہ کرنا چاہتے ہیں اور مجھے وہ کام کرنا پسند ہے جو کسی نے کبھی نہیں کیا ہو۔"

1960 کی دہائی میں  فنک ان 13 خواتین میں شامل تھیں جنہیں خلائی تربیت دی گئی تھی ۔ امریکی فیڈرل ایوی ایشن ایڈمنسٹریشن کی پہلی خاتون انسپکٹر اور نیشنل ٹرانسپورٹیشن سیفٹی بورڈ کے لئے پہلی خاتون فضائی حفاظت کے تفتیش کار تھیں۔

ان کے پاس 19،600 پرواز وں کے  اوقات کار ہیں اور وہ اب تک 3ہزار سے زائد  افراد کو ہوا بازی کی تربیت دے چکی ہیں ۔