سہ ملکی سیریز،جنوبی افریقا کا پاکستان کے خلاف ٹاس جیت کر بیٹنگ کا فیصلہ

سہ ملکی سیریز کا تیسرا اور فیصلہ کن ڈے اینڈ نائٹ میچ آج نیشنل اسٹیڈیم کراچی میں پاکستان اور جنوبی افریقہ کے درمیان کھیلا جا رہا ہے۔

کراچی کے نیشنل اسٹیڈیم میں جاری سہ ملکی سیریز کے تیسرے میچ میں جنوبی افریقا نے پاکستان کے خلاف ٹاس جیت کر پہلے بیٹنگ کا فیصلہ کیا ہے۔

جنوبی افریقی کپتان ٹمبا باوما نے کہا کہ ٹیم میں چار تبدیلیاں کی گئی ہیں، پہلے میچ میں شکست سے سبق سیکھا ہے اور آج مکمل قوت کے ساتھ میدان میں اتریں گے۔

دوسری جانب پاکستانی کپتان محمد رضوان نے کہا کہ اسکواڈ میں دو تبدیلیاں کی گئی ہیں، مڈل آرڈر بیٹر کامران غلام کی جگہ سعود شکیل جبکہ فاسٹ بولر حارث رؤف کی جگہ محمد حسنین کو شامل کیا گیا ہے۔ بھرپور کارکردگی دکھانے کی کوشش کرے گی تاکہ فائنل میں جگہ بنا سکے۔

پاکستان کا اسکواڈ میں  محمد رضوان (کپتان)، فخر زمان، بابراعظم، سلمان آغا، سعود شکیل، طیب طاہر، خوشدل شاہ، شاہین شاہ آفریدی، نسیم شاہ، محمد حسنین اور ابرار احمد شامل ہیں

اس میچ کی فاتح ٹیم فائنل میں پہنچے گی، جو 14 فروری کو نیشنل اسٹیڈیم کراچی میں ہوگا۔ نیوزی لینڈ پہلے ہی فائنل کے لیے کوالیفائی کر چکا ہے۔