جامشورو: انڈس ہائی وے روڈ پر 2 کاروں میں تصادم سے5 افراد جاں بحق

جامشورو:صوبہ سندھ کے شہر جامشورہ میں انڈس ہائی وے پر دو کاروں کے درمیان تصادم سے 5 افراد جان کی بازی ہا ر گئے۔
ریسکیوحکام کےمطابق حادثہ جامشورو میں سن کےقریب انڈس ہائی وےپر پیش آیا جہاں دو کاروں میں تصادم کے نتیجےمیں 5 افراد موقع پر جاں بحق جبکہ6 زخمی ہوگئے ہیں۔
ریسکیو حکام نے زخمی اورجاں بحق افرادکی لاشیں مانجھند ہسپتال منتقل کردی ہیں، جاں بحق افراد میں عبدالغنی، جان علی شاہ سمیت دیگر شامل ہیں، زخمیوں میں لاہور کے رہائشی اسحاق نیازی، ماجد علی، بلاول نیازی سمیت دیگر شامل ہیں،مسافر کار سیہون سے حیدرآباد کی طرف جارہی تھی۔
پولیس کے مطابق حادثہ غلط سائیڈ سےکارکراسنگ کرنےکےباعث پیش آیا۔
دوسری جانب وزیراعلیٰ مراد علی شاہ نے انڈس ہائی وے پرروڈحادثے پرافسوس کا اظہارکیا ، انھوں نے بیان میں کہا کہ حادثے میں 5 افراد کے جاں بحق ہونے کا سن کرانتہائی افسوس ہوا ہے، حادثےکے لواحقین کی ہرممکن مدد کی جائے۔
وزیراعلٰی سندھ نے انتظامیہ کو ہدایت کی ہیں کہ زخمیوں کا بہترین علاج کروایا جائے، انھوں نے اپیل بھی کی ہے کہ ڈرائیونگ کے اصولوں پر عمل کیا جائے، ڈرائیورز تیز رفتاری سے گریز کریں۔