کراچی میں بڑھتے ڈمپرز حادثات ،گورنر نے چیف جسٹس سندھ ہائیکورٹ کو دوسرا خط لکھ دیا

کراچی:شہر قائد میں بڑھتے ہوئے ڈمپرز حادثات اوراس کے نتیجے میں ہونے والی اموات پر گورنر سندھ کامران خان ٹیسوری نے سندھ ہائیکورٹ کے چیف جسٹس کو ایک اور خط لکھ دیا۔
 گورنر سندھ کی جانب سے لکھے گئے خط میں شہر میں انتظامی غفلت، قانون سے روگردانی حادثات کی بڑی وجہ قرار دی گئی۔
ترجمان گورنر کےت مطابق خط میں کامران ٹیسوری کا کہنا تھا کہ ایک ہی دن میں 4 شہریوں کی اموات سنگین مسئلہ ہے جب کہ سندھ ہائی کورٹ کا فیصلہ ہے کہ صبح 7 سے رات 11 تک بھاری ٹریفک شہر میں داخل نہیں ہوسکتی۔
گورنر سندھ نے خط میں لکھا ہے کہ عدالتی حکم پر عملدرآمد میں عدم تسلسل کی شکایات مسلسل بڑھ رہی ہیں، امید ہے سندھ ہائی کورٹ اس ضمن میں اپنے احکامات پر عملدرآمد یقینی بنائے گی۔
جبکہ اس سے قبل، 8 فروری کو کراچی میں ایک پریس کانفرنس کے دوران گورنر سندھ نے کہا تھا کہ شہر میں افغانستان سے ڈمپر منگواکر چلائے جارہے ہیں، ہائی کورٹ کے چیف جسٹس اور آئی جی کوخط لکھ چک
خیال رہے کہ رواں سال یکم جنوری 2025 سے اب تک کراچی شہر میں مختلف ٹریفک حادثات میں اب تک 108 شہریوں کی اموات رپورٹ ہو چکی ہیں۔