ڈمپرز روزانہ کی بنیاد پر کراچی کے شہریوں کو اڑا رہے ہیں کیا وہ بھی وفاق کا مسئلہ ہے؟ عظمی بخاری

لاہور: صوبائی وزیر اطلاعات عظمیٰ بخاری نےسندھ حکومت کے ترجمانوں کے بیان پر ردعمل دیتے ہوئے کہا ہےکہ ڈمپرز روزانہ کی بنیاد پر کراچی کے شہریوں کو اڑا رہے ہیں کیا وہ بھی وفاق کا مسئلہ ہے؟ انہوں نے مزید کہا کہ اگر سندھ اربوں کے فنڈ سے اپنی سڑکیں نہیں بنا سکتا تو پھر آپکا اللہ ہی حافظ ہے۔
لاہور میں پریس کانفرنس کرتے ہوئےلیگی رہنما عظمیٰ بخاری کا کہنا تھا کہ پنجاب حکومت کے 90 فیصد منصوبے اپنے فنڈز سے مکمل ہو رہے ہیں، سیہون میں وزیراعلیٰ سندھ کے علاقے میں ہونے والے حادثے کو وفاق پر مت ڈالا جائے، پچھلے 16 سال سے سندھ پر پیپلز پارٹی کی حکومت ہے مسلم لیگ ن کی نہیں۔
انہوں نے کہا کہ کارکردگی اچھی ہوتو کام بولتا جیسے مریم نواز کا کام بول رہا ہے، اللّٰہ کرے سندھ نے جو 956 ارب کا ترقیاتی بجٹ منظور کیا ہے وہ جلد از جلد لگ جائے، مالی سال ختم ہونے والا ہے، وزیراعلیٰ سندھ اپنے علاقے کی گلیاں نہیں بناسکے۔
پریس کانفرنس میں لیگی رہنما کا کہنا تھا کہ ڈمپرز روزانہ کی بنیاد پر کراچی کے شہریوں کو اڑا رہے ہیں کیا وہ بھی وفاق کا مسئلہ ہے؟انہوں نے کہا کہ اگر سندھ اربوں کے فنڈ سے اپنی سڑکیں نہیں بنا سکتا تو پھر آپکا اللہ ہی حافظ ہے۔
لیگی رہنما نے کہا کہ وفاق اور صوبوں کے معاملات میں چچا بھتیجی کے رشتے کا کیا تعلق اور اسکا حوالہ کیوں ؟ مریم نواز پنجاب میں اپنے صوبے کے وسائل سے درجنوں بڑی سڑکیں مکمل کرچکی ہیں۔
وزیر اعلی سندھ پر تنقید کرتے ہوئے ان کا کہنا تھا کہ مراد علی شاہ واحد وزیراعلیٰ ہیں جن کو اپنے حلقے میں کام کروانے کے لیے بھی وفاق کی ضرورت پڑتی ہے۔
ان کا مزید کہنا تھا کہ وزیراعلی سندھ اپنے نئے ترجمانوں کو زمینی پر بریفنگ بھی دیں، ان ناتجربہ کار ترجمانوں کو جو جھوٹی سچی پرچیاں دی جاتی ہیں یہ وہ وہی بول دیتے ہیں، جب کارکردگی اور کام بولتے ہوں تو ترجمانوں کا لاؤ لشکر رکھنے کی ضرورت نہیں پڑتی، کارکردگی اچھی ہوتو کام بولتا ہے جیسے مریم نواز کا کام بول رہا ہے۔