امریکی شخص نے اسرائیلیوں کو فلسطینی سمجھ کر گولیاں مار دیں

فلوریڈا:امریکی ریاست فلوریڈا میں ایک شخص نے کار میں سوار2اسرائیلی سیاحوں کو فلسطینی سمجھ انہیں قتل کرنے کی کوشش کی۔
 پولیس کے مطابق انہوں نے 27 سالہ ملزم مورڈیچائی برافمین کو 2 اسرائیلیوں کو گولی مارنے کے الزام میں گرفتار کیا گیا ہے۔
پولیس کی جانب سے مزید بتایا گیا کہ امریکی شہری نے کار میں سوار 2 افراد پر یہ سمجھ کر فائرنگ کردی کہ وہ فلسطینی شہر ی ہیں،مگرحققیت وہ اسرائیلی سیاح تھے۔
پولیس رپورٹ کے مطابق ملزم نے گرفتاری دینے کے بعد پولیس کو بتایا کہ وہ میامی بیچ پر اپنا ٹرک چلا رہا تھا تو اس کی نظر 2 افراد پر پڑی جو گاڑی موجود تھے اور بظاہر فلسطینی لگ رہے تھے۔
امریکی شخص نے دعویٰ کیا کہ اس نے اپنا ٹرک روکا اور ان پر گولی چلائیں، تاہم وہ ہلاک ہونے سے بچ گئے۔
پولیس کا کہنا تھا کہ اگرچہ متاثرین بچ گئے ہیں تاہم ایک گولی ایک اسرائیلی کے کندھے میں اور دوسری کو بازو میں لگی ہے۔
انسانی حقوق کی تنظیموں کے مطابق غزہ جنگ کے آغاز کے بعد سے امریکا میں مسلم دشمنی اور یہود دشمنی میں اضافہ ہوگیا ہے