چیئرمین پنجاب انڈسٹریل اسٹیٹس ڈویلپمنٹ جاوید اقبال نے تیسری سندر انڈسٹریل ایکسپو 2025 کا افتتاح کر دیا

چیئرمین پنجاب انڈسٹریل اسٹیٹس ڈویلپمنٹ اینڈ منجمنٹ کمپنی جاوید اقبال نے تیسری سندر انڈسٹریل ایکسپو 2025 کا افتتاح کر دیا. ایکسپو میں 300 کے قریب معروف ملکی و غیر ملکی کمپنیاں اپنی مصنوعات کی نمائش کر رہی ہیں۔

ایکسپو کی افتتاحی تقریب میں صدر لاہور چیمبر آف کامرس اینڈ انڈسٹری ابو زر شاد، ڈی جی نیب محمد احترام ڈار، سید نبیل ہاشمی، محسن سید، شہزاد اعظم خان، ساجد سلیم منہاس، حافظ میاں محمد نعمان سمیت بزنس کمیونٹی کی کثیر تعداد نے شرکت کی. افتتاح کے موقع پر چئیرمین پیڈمک سمیت دیگر مہمانوں نے گرین اسٹیٹ پالیسی کے تحت پودے لگائے اور مختلف سٹالز کا دورہ کیا اور سٹالز لگانے والے صنعتکاروں کی حوصلہ افزائی کی۔

 تقریب سے خطاب کرتے ہوئے چئیرمین پیڈمک جاوید اقبال نے کہا کہ ایکسپو میں سٹالز لگانے والی کمپنیوں کو نہ صرف اپنے کاروبار کے فروغ کا موقع ملے گا بلکہ کاروباری روابط بڑھانے میں مدد ملے گی ۔ 

انہوں نے کہا آ یندہ سال اس ایکسپو کو بین الاقوامی معیار کے مطابق تشکیل دیا جائے جبکہ جلد ہی قائداعظم انڈسٹریل اسٹیٹ کوٹ لکھپت اور ملتان انڈسٹریل اسٹیٹ میں بھی اسی طرز کی ایکسپوز کا انعقاد کیا جائے گا ۔