اداکار احمد علی اکبر شادی کے بندھن میں بندھ گئے، تصاویر وائرل

پاکستان شوبز اور ڈرامہ انڈسٹری کے معروف اداکار و ماڈل احمد علی اکبر شادی کے بندھن میں بندھ گئے ہیں، ان کی شادی کی تصاویر مختلف سوشل میڈیا پر وائرل ہو رہی ہیں جنہیں مداحوں کی جانب سے خوب پسند کیا جا رہا ہے۔
احمد علی اکبر عالمی ایوارڈ یافتہ اداکار ہیں جو کافی سنجیدہ اور اپنی ذاتی زندگی کو میڈیا سے الگ رکھتے ہیں۔
حال ہی میں اداکاراحمد علی اکبر کی سوشل میڈیا کانٹینٹ کریئٹر اور وکیل ماہم بتول سے شادی کی خبریں سامنے آئی تھیں جن کی اب نہ صرف تصدیق ہوئی ہے بلکہ شادی کی تصاویر بھی منظر عام پر آگئی ہیں۔
احمد علی اکبر نے اپنی اہلیہ ماہم بتول  کے ساتھ فوٹو اینڈ ویڈیو شیئرنگ ایپ پر چند تصاویر شیئر کیں،احمد علی اکبر کی جانب سے شادی کی تصاویر خود اپنے سوشل میڈیا اکاؤنٹ انسٹاگرام پر شیئر کی گئی ہیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Ahmed Ali Akbar (@ahmedaliakbarofficial)

اداکار نے تصاویر شیئر کرتے ہوئے اپنے مداحوں کو شادی کی خوشخبری دی اور ساتھ ہی لکھاکہ ’’میرا دل میری زندگی، میرا سکون میرا گھر‘‘۔

اپنی تصاویر شیئر کرتے ہوئے اداکار نے کیپشن میں ایک نوٹ بھی لکھا جس میں ان کا کہنا تھا کہ ہماری شادی کی کوئی بھی تصویر یا ویڈیوز شیئر کرنے سے ہماری پرائیویسی کی خلاف ورزی ہو گی، شادی کی تقریبات کی کوئی بھی تصویر یا ویڈیو پوسٹ ہونے میں ہماری رضا مندی شامل نہیں ہے۔
اس پوسٹ کے بعد ان کے مداحوں کی جانب سے اداکار کو مبارک باد دینے کا سلسلہ جاری ہے۔
واضح رہے کہ احمد علی اکبرعالمی ایوارڈ یافتہ اداکار ہیں جنہوں نے پری زاداور عہد وفا ڈرامے سے خوب شہرت حاصل کی تھی۔