آئی ایم ایف سے 1 سے ڈیڑھ ارب ڈالر کلائمیٹ فنانسنگ کے لیے مذاکرات جاری

پاکستان کے آئی ایم ایف سے 1 سے ڈیڑھ ارب ڈالر کلائمیٹ فنانسنگ کے حصول کے لیے مذاکرات جاری ہیں۔

ذرائع کا کہنا ہے کہ آئی ایم ایف کو موسمیاتی تبدیلی کے چیلنج سے نمٹنے کے لئے مسائل و اقدامات، ڈیزاسٹر رسک اسٹریٹجی، فضائی اور آبی آلودگی کی روک تھام پر بریفنگ دی گئی۔

ذرائع کے مطابق ایک سے ڈیڑھ ارب ڈالر کلائمیٹ فنانسنگ کے حصول کے پلان کے لیے آئی ایم ایف کی تکنیکی ٹیم اور پاکستانی حکام کے درمیان مذاکرات جاری ہیں۔

ذرائع نے بتایا کہ سرکاری عمارتوں کی تعمیر میں گرین بلڈنگ کوڈز لاگو کرنے کی یقین دہانی کروائی گئی ہے۔

آئی ایم ایف کو وفاق اور صوبوں کے درمیان قدرتی آفات سے نمٹنے کےلئے روابط پر بھی بریفنگ دی گئی اور نئے منصوبوں میں ماحولیاتی تحفظ کے لئے فنڈز رکھنے کی بھی یقین دہانی کروائی گئی۔

بریفنگ میں آئی ایم ایف کی تکنیکی ٹیم کو بتایا گیا کہ پاکستان کلائمیٹ چینج سے متاثرہ 10 ممالک میں شامل ہے اور مزید نقصان کا خدشہ، سال 2030 تک بھاری سرمایہ کاری درکار ہے۔