وزیراعلی سندھ مراد علی شاہ نے کراچی میں سڑک کا افتتاح کردیا

تفصیلات کے مطابق وزیر اعلی سندھ نے سعودآباد چورنگی سے تھڈو نالو اورسومارکنڈیانی گوٹھ تک سڑک کا افتتاح کردیا ۔ اس پروجیکٹ پر5 جولائی 2019 کوکام  شروع ہوا تھا۔ یہ پروجیکٹ ورلڈبینک کے تعاون سے کراچی نیبرہوڈامپروومنٹ پراجیکٹ کے تحت تعمیر ہوا ہے،اجس کی لاگت پر1.2 ارب روپے خرچ ہوئے، اور اس روڈ پر 130میٹر آرسی سی برج بھی بنائے گئے۔

وزیر اعلی سندھ مراد علی شاہ کا کہنا تھا کہ روڈ کی تعمیر سے  ملیر کے علاقے کی دیہی زندگی اورمعیشت میں بہتری آئے گی، روڈ کی تعمیر سے علاقے کی پراپرٹی کی ویلیو میں اضافہ ہوگیا ہے یہ روڈ  واک وے اور بیٹھک کی ایک بہترین تفریح گاہ بن گیا ہے ۔

وزیر اعلی سندھ کا مزید کہنا تھا کہ اب اس علاقے کے لوگوں کی ذمے داری ہے کہ وہ اس روڈ کی خوبصورتی کی حفاظت کریں ۔

اس روڈ  کا 2.9 کلومیٹر دو رویہ روڈ ہے،اس سڑک  کے ساتھ ایک کلومیٹر گرین بیلٹ کے ساتھ واک وے بھی بنایا گیا، واک وے 9 میٹر کشادہ ہے ، شہریوں کی سہولت کے لیے اس روڈ پر بہترین لائیٹ، اسٹریٹ فرنیچر اور دو بس اسٹاپ بھی بنائے گئے ہیں۔ سڑک پر 200 پولز لگاکر 140 واٹ کی ایل ای ڈی لائیٹ بھی لگائی گئی ہیں ۔