پشاور:صوبائی حکومت کا مستحق خاندانوں کو رمضان اور عید پیکیج دینے کا اعلان

پشاور: خیبرپختونخوا حکومت نے رواں سال بھی صوبے کے مستحق خاندانوں کو رمضان اور عید پیکیج دینے کا اعلان کیا ہے۔
 مشیر اطلاعات خیبرپختونخوا بیرسٹر ڈاکٹر سیف نے کہا ہے کہ صوبائی حکومت کی جانب سے اس سال بھی رمضان اور عید پیکیج دینے کا فیصلہ کیا ہے یہ پیکیج صوبے کے مستحق خاندانوں کو فراہم کیا جائے گا۔
مشیر اطلاعات کے مطابق ہر مستحق خاندان کو 10 ہزار روپے دیئے جائیں گے، صوبے کے 10 لاکھ سے زائد مستحق خاندانوں کو امدادی پیکیج فراہم کیا جائے گا۔
بیرسٹر سیف کا کہنا تھا کہ امدادی پیکیج 15 رمضان سے قبل بینکوں اور ایزی پیسہ پر مستحق خاندانوں کو فراہم کیا جائے گا، ٹرانسفر کے اضافی چارجز حکومت برداشت کرے گی تاکہ مستحق افراد کو پوری رقم ملے۔
انہوں نے کہا کہ وزیراعلیٰ  نے امدادی پیکیج مکمل شفافیت کے ساتھ مستحق افراد تک پہنچانے کی ہدایت جاری کی ہے ، یتیم اور دہشتگردی سے متاثرہ افراد کو ترجیحی بنیادوں پر پیکیج فراہم کیا جائے گا۔