شام میں بشارالاسد کی فوج کا فضائی حملہ ، 8 شہری جاں بحق

تفصیلات کے مطابق فضائی حملے میں جاں بحق ہونے والوں میں 6 بچے بھی شامل ہیں جب کہ 16 افراد زخمی ہوگئے ہیں۔

ذرائع کے مطابق شام میں داعش کے آخری ٹھکانے ادلب میں جنگجوؤں اور سیکیورٹی فورسز کے درمیان جھڑپوں کا سلسلہ جاری ہے ، بشارالاسد کی فضائیہ نے جبل الزاویہ کے جنوبی علاقے میں شدید بمباری کی جس سے کئی مکان تباہ ہوگئے۔

ایک مکان میں ایک ہی خاندان کے 5 افراد موقع پر ہی جاں بحق ہوگئے جب کہ دیگر 3 افراد نے اسپتال میں دم توڑ دیا ، گھروں کے تباہ ہونے کے بعد  مکینوں کو رات کھلے آسمان تلے گزارنی پڑی اور  علاقے میں وقفے وقفے سے دھماکوں کی آواز سنی جا رہی ہیں۔