اداکارہ نادیہ حسین نے ملازمہ سے بدسلوکی کی وضاحت کردی

تفصیلات کے مطابق اداکارہ نادیہ حسین کی ایک ویڈیو وائرل ہوئی جس میں اداکارہ اپنی ملازمہ کو ڈانٹ رہی تھیں ۔ ویڈیو کے منظر عام پر آنے کے بعد اداکارہ نادیہ حسین کو سوشل میڈیا صارفین نے تنقید کا نشانا بنایا اور کچھ صارفین نے اداکارہ کو اپنی ملازمہ سے معافی مانگنے کا مطالبہ بھی کیا ۔

اب اداکارہ نے انسٹا گرام پر اپنا ویڈیو بیان جاری کرتے ہوئے کہا ہے کہ یہ واقع حقیقت میں نہیں تھا بلکہ ایک برانڈ کی پیڈ کمپین تھی جبکہ برانڈ کا نام بھی جلد بتا دوں گی ۔

اداکارہ کا مزید کہنا تھا کہ میں یہ واضع کرنا چاہتی ہوں اپنے ملازموں اور کام کرنے والوں کو ڈانٹنے میں کوئی مسلہ نہیں ہونا چاہیے ۔ اگر کوئی غلطی کرے تو تھوڑا سا ڈانٹ لینا چاہیے تاکہ اس کو آگاہی مل سکے ۔