میکسیکو کے سمندر میں خوفناک آگ کیسے بھڑکی ؟

غیر ملکی خبر رساں ادارے کے مطابق  خلیج میکسیکو میں گیس پائپ لائن لیک ہونے کیوجہ سے پانی کی سطح میں لگی آگ پر امدادی ٹیموں نےپانچ  گھنٹوں کی محنت کے بعد قابو پالیا ہے۔

حکام کا کہناہے واقعہ کی اطلاعات موصول ہوتے ہی بحری ٹیمیں بروقت جائے وقوعہ پر پہنچ گئی تھی۔ خوفناک نظارہ پیش کرتی پانی میں لگی آگ کو مسلسل محنت سے بجھایا گیاتھا۔

تاہم ابھی تک واضح نہیں ہو سکاکہ سمندرمیں کیاچیز آگ بھڑکنےکا سبب بنی تھی۔واقعہ کی ویڈیو سوشل میڈیاپر وائرل ہوگئی۔ سوشل میڈیا پر وائرل ویڈیو میں دیکھا جا سکتا ہے کہ شعلے پانی کے اندر سے باہر نکل رہے ہیں اور آتش فشاں کے لاوا سے مشابہہ لگ رہے ہیں جس کو سوشل میڈیا صارفین ’آئی آف فائر‘ کہہ رہے ہیں۔ یہ آگ آئل پلیٹ فارم پیمیکس کے قریب لگی ہے۔

? Sobre el incendio registrado en aguas del Golfo de México, en la Sonda de Campeche, a unos metros de la plataforma Ku-Charly (dentro del Activo Integral de Producción Ku Maloob Zaap)

Tres barcos han apoyado para sofocar las llamas pic.twitter.com/thIOl8PLQo

— Manuel Lopez San Martin (@MLopezSanMartin) July 2, 2021

آئل کمپنی پیمیکس نے ایک بیان میں  کہا ہے کہ  پانی کے نیچے سے گزرتی گیس پائپ لائن میں لیکج کی وجہ سے آگ لگی۔آگ پانچ گھنٹے سے زائد تک لگی رہی۔ آئل پلیٹ فارم کے لیے گیس کی پائپ لائن پانی کے اندر سے گزاری گئی ہے جو پلیٹ فارم کو  کُو مالوب زاپ سے جوڑتی ہے۔کُو مالوب زاپ میکسیکو کی خلیج کے جنوری کنارے کے قریب واقع ہے۔

پیمیکس کا کہنا ہے کہ   مقامی وقت کے مطابق صبح پانچ بج کر 15 منٹ پر آگ لگی جس کو صبح ساڑھے 10 بجے کے قریب مکمل طور پر بجھا دیا گیا اور 12 انچ کے ڈایامیٹر والوز کو بند کر دیا ہے۔اس حوالے سے کمپنی نے کہا ہے کہ واقعے کی تحقیقات بھی کی جائیں گی۔