صوبائی حکومت کاپنجاب بھر میں دیہی مراکز صحت کی آؤٹ سورسنگ کا فیصلہ

لاہور: صوبائی حکومت پنجاب کی جانب سے صوبے بھر میں دیہی مراکز صحت کی آؤٹ سورسنگ کا اصولی فیصلہ کیا گیا ہے۔
تفصیلات کے مطابق پنجاب بھر میں دیہی مراکز صحت کی آؤٹ سورسنگ کا اصولی فیصلہ کیا گیا ہے اور اس حوالے سے وزیراعلیٰ مریم نواز کو بریفنگ دی گئی ہے۔ 
وزیراعلیٰ پنجاب کو دی جانے والی بریفنگ میں بتایا گیا کہ مراکز صحت میں بڑے اسپتالوں کے برابر طبی اور تشخیصی سہولتیں فراہم کی جائیں گی جب کہ نئے کلینک ہفتہ بھر 24گھنٹے کھلے رہیں گے،بریفنگ میں مزیدبتایا گیا کہ پنجاب کے 1147 مراکز صحت میں سے 766 کی ری ویمپنگ مکمل کر لی گئی ہے۔
 پنجاب بھر کے او پی ڈی میں 6 ارب 70 کروڑ سے زائد کی مفت ادویات فراہم کی کی گئیں، بتایا گیا کہ مریم نواز کمیونٹی ہیلتھ انسپکٹر پروگرام کے لیے 12671 درخواستیں موصول ہوچکی ہیں۔
دوران اجلاس صوبے میں ضلع کی سطح پر برن یونٹ، کارڈیک سینٹر اور چلڈرن وارڈ بنانے پر اتفاق ہوا، جلاس میں دی جانے والی بریفنگ میں ڈویژنل لیول پر ہر مرض کے علاج کے لیے میڈیکل سٹی بنانے کی تجویز کا جائزہ بھی لیا گیا۔
 وزیراعلیٰ پنجاب نے مری جنرل اسپتال کی رابطہ سڑکوں کی تعمیر و توسیع کی ہدایت کی، نوازشریف انسٹی ٹیوٹ آف سرگودھا میں جون تک او پی ڈی فنکشنل کرنے کی ہدایات بھی جاری کیں۔
دوران اجلاس مریم نواز نے جناح اسپتال پی آئی سی ٹو کو 30 ستمبر تک فعال کرنے اور نوازشریف کینسر اسپتال کومقررہ مدت میں فعال کرنے کی ہدایات بھی دیں، مریم نواز نے بورڈ ز آف گورنر کی نامزدگی اور دیگر امور کی جلد تکمیل کے احکامات بھی دیے۔
وزیراعلیٰ مریم نواز نے کہا کہ پنجاب کے سرکاری اسپتالوں میں 100 فیصد بہتری لانا ہدف ہے، سرکاری اسپتالوں میں صفائی نہ ہونا افسوسناک اور تکلیف دہ امر ہے، انہوں نے کہا کہ پنجاب کے اسپتالوں میں جدید آلات مرحلہ وار فراہم کررہے ہیں۔