فلائی جناح نے لاہور سے مسقط کے لیے براہ راست پروازں کا اعلان کر دیا

کراچی: فلائی جناح ائیر لائن نے لاہور سے مسقط کے لیے براہ راست پروازیں شروع کرنے کا اعلان کر دیا۔
فلائی جناح پاکستان کی سب سے سستی ترین ائیر لائن ہے جس نے حال ہی میں اپنے بین الاقوامی نیٹ ورک کو مزید وسعت دیتے ہوئے لاہور کو مسقط  سے جوڑنے والی نئی سروس کے آغاز کا اعلان کیا ہے۔
ائیر لائن کی جانب سے کیے گئے اعلان کے مطابق یکم اپریل 2025 سے فلائی جناح علامہ اقبال انٹرنیشنل ایئرپورٹ اور مسقط انٹرنیشنل ایئرپورٹ کے درمیان ہفتے میں تین بار نان اسٹاپ پروازیں چلائے گی، جو مسافروں کو پاکستان اور عمان کے درمیان سستی اور آسان سفری سہولت فراہم کرے گی۔
فلائی جناح کے لاہور نیٹ ورک میں مسقط کا اضافہ ایئر لائن کے بین الاقوامی رابطے کو مضبوط کرتا ہے۔
خیال رہے کہ اس سے قبل فلائی جناح سعودی عرب میں ریاض، جدہ، اور دمام جیسے مشہور مقامات کے ساتھ ساتھ شارجہ اور بحرین کے لیے بھی براہ راسست پروازیں شروع کر چکی ہیں۔