مہنگائی اور تنگدستی کی وجہ سے قومی فٹبالر محمد ریاض جلیبیاں بیچنے پر مجبور

کراچی:سال 2018 میں ایشین گیمز کے فٹبال ایونٹ میں پاکستان کی نمائندگی کرنے والا فٹبالر محمد ریاض ان دنوں مالی مشکلات سے دوچار ہیں۔
سابق اسٹار فٹبالر محمد ریاض بے روزگاری کے سبب اپنی زندگی کا گزبسر کرنے کے لیے جلیبیاں بیچنے پر مجبور ہیں۔
اس حوالے سے محمد ریاض کا کہنا ہے کہ میں برسوں انتظار کیا کہ محکمہ جاتی کھیل بحال ہو لیکن کوئی اقدامات نہیں کئے گئے۔
انہوں نے کہا کہ روزگار کے لیے مجبور ہوکر یہ راستہ اختیار کرنا پڑا ، محکمہ جاتی کھیلوں کی بحالی کا اعلان کیا گیا تھا مگر تاحال عملی اقدامات نظر نہیں آئیں۔
خیال رہے کہ فٹبالر محمد ریاض قومی ٹیم کے علاوہ کے الیکٹرک کی ٹیم کا بھی حصہ رہے، محکمہ جاتی کھیلوں کی بندش کے بعد مالی مشکلات کا شکار ہیں۔
میڈیا سے گفتگو کرتے ہوئے محمد ریاض نے سوال کیا کہ کیا قومی ہیروز کا مقدر یہی ہے؟ انہوں نے حکومت سے اپیل کی کہ محکمہ جاتی کھیل بحال کریں۔
واضح رہے کہ یہ کہانی صرف محمد ریاض ہی کی نہیں بلکہ پاکستان کے کئی دیگر قومی فٹبالرز اور ہاکی کھلاڑی بھی اسی کربناک صورتحال کا شکار ہیں۔ وہ کھلاڑی جو کبھی ملک کا نام روشن کرنے کا خواب دیکھتے تھے، آج اپنے ہی ملک میں بے یارو مددگار ہوچکے ہیں