ملک کے مختلف شہروں میں آج بارش اور برفباری متوقع

محکمہ موسمیات کے مطابق ملک کے مخلتف شہروں میں آج بارش اور برفباری متوقع ہے۔

اسلام آباد اور راولپنڈی میں آج مطلع جزوی ابر آلود اور بارش کا امکان ہے۔ چترال، دیر، سوات، کوہستان، شانگلہ، بٹگرام میں بارش اور پہاڑوں پر برفباری کا امکان ہے۔

مانسہرہ، ایبٹ آباد، نوشہرہ، صوابی، مردان میں بھی بارش اور برفباری کا امکان ہے، بونیر، پشاور، کوہاٹ،کرک، بنوں، باجوڑ، مہمند، کرم، خیبر اور وزیرستان بھی بارشوں کا امکان ہے۔

محکمہ موسمیات کے مطابق پنجاب کے بیشتر اضلاع میں موسم خشک،مطلع جزوی ابرآلود رہے گا تاہم اٹک، جہلم، چکوال، منڈی بہاؤالدین، سرگودھا، میانوالی، خوشاب میں بارش کا امکان ہے۔ گجرات، سیالکوٹ، نارووال، لاہور، گوجرانوالہ، فیصل آباد اور شیخوپورہ میں بارش متوقع ہے۔

سندھ کے بیشتر اضلاع میں موسم خشک جبکہ زیریں اضلاع میں گرم رہنے کا امکان ہے، بلوچستان کے بیشتر اضلاع میں موسم خشک رہنے کا امکان ہے۔