وزیراعلیٰ خیبرپختونخوا کافٹبالر محمد ریاض کو سرکاری کوچ بھرتی کرنے کا اعلان

پشاور:وزیراعلیٰ خیبرپختونخوا علی امین گنڈاپور نےفٹبالر محمد ریاض کو سرکاری کوچ بھرتی کرنے کا اعلان کر دیا۔
 فٹبالر محمدریاض وزیراعلیٰ خیبرپختونخوا علی امین گنڈا پورکی دعوت پر سی ایم ہاؤس آئے، اس موقع پر وزیراعلیٰ نےمحمد ریاض کو فٹ بال کا سرکاری کوچ بھرتی کرنے کا اعلان کیا۔
وزیراعلیٰ خیبرپختونخوانے محمد ریاض کو10 لاکھ روپے کاچیک بھی دیا، انہوں نے کہا کہ محمد ر یاض جیسے لوگ ہمارا قیمتی اثاثہ ہیں، ان کی قدر کریں گے۔
واضح رہے کہ ہنگو سے تعلق رکھنے والے محمد ریاض بیرون ملک فٹبال میں پاکستان کی نمائندگی کر چکے ہیں، فٹبالر محمدریاض کی حلوائی کی دکان پر کام کرنے کی ویڈیو سوشل میڈیا پر وائرل ہوئی تھی جس کے بعدعلی امین گنڈا پور نے انہیں وزیراعلیٰ ہاؤس بلایا تھا۔
خیال رہےکہ فٹبالر محمد ریاض وزیراعظم شہباز شریف سے ملنے اسلام آباد بھی آئے تھے جہاں وزیراعظم نے بھی انہیں 25 لاکھ روپے کا امدادی چیک دیا تھا۔