سی ٹی ڈی کی راولپنڈی میں کارروائی، دو انتہائی خطرناک خوارجی دہشتگرد گرفتار

جڑواں شہر راولپنڈی اور اسلام آباد بڑی تباہی سے بچ گئے،سی ٹی ڈی نے کارروائی کرتے ہوئے فتنہ الخوارج کے دو انتہائی خطرناک دہشتگردوں کو گرفتار کر لیا۔
ترجمان محکمہ انسداد ہشتگردی(سی ٹی ڈی) کے مطابق سی ٹی ڈی نے خفیہ اطلاعات پر کارروائی کرتے ہوئے تھانہ ائی نائن پر حملے میں ملوث  فتنہ الخوارج  کے دو انتہائی خطرناک دہشت گردوں کو گرفتار کر لیا ، جن کی شناخت حمزہ اور رومان کے نام سے ہوئی ہے۔
ترجمان سی ٹی ڈی کا کہنا ہے کہ دہشت گرد راولپنڈی اور اسلام اباد میں احساس مقامات پر دہشت گردی کے لیے ریکی مکمل کر چکے تھے ،
 ان کا مزید کہنا تھا کہ دہشت گرد افغانستان میں فتنہ الخوارج کے اہم کمانڈر کے ساتھ رابطے میں تھے ۔
ترجمان نے مزید بتایا کہ گرفتاردہشت گردوں سے  دستی بم ،بھاری مقدار میں بارودی مواد ڈیٹونیٹر سیفٹی فیوز وائر اور دیگر سامان برآمدکیا گیا، دہشت گردوں کے خلاف مقدمہ درج کر کے مزید تفتیش شروع کر دی ہے ۔
ترجمان کے مطابق اب تک کی بتدائی تفتیش میں بتایا گیاہے کہ چند ماہ قبل تھانہ ائی نائن پر ہینڈ گرنیڈ سے حملہ بھی انہوں نے کیا تھا۔