معروف گلوکار اور فنکار علی ظفر کی آواز میں قصیدہ بردہ شریف نئے انداز میں پیش 

لاہور:معروف گلوکار اور فنکار علی ظفر کی آواز میں قصیدہ بردہ شریف نئے انداز میں پیش کر دیا گیا۔
 دل کو چھو لینے والے انداز میں پیش کیے گئے قصیدہ بردہ شریف کے ذریعےاس عظیم الشان کلام کو اپنے منفرد انداز اور شاعرانہ اظہار کے ساتھ پیش کرتے ہوئے، علی ظفر نے اس کی روحانی گہرائی کو مزید اجاگر کیا ہے،یہ صرف ایک نعتیہ کلام کی پیشکش نہیں بلکہ ایک ایسا روحانی تجربہ ہے جو سامعین کو عشقِ مصطفیٰ ﷺ کے ایک منفرد سفر پر لے جاتا ہے۔

 علی ظفر نے نہ صرف اپنی مخصوص اور پُرتاثر آواز سے اس کلام کو نیا رنگ دیا بلکہ اس کے بصری پہلو کو بھی غیرمعمولی طور پر تخلیقی اور جاذبِ نظر بنایا ہے۔
اپنی نوعیت کے اس منفرد کام میں، علی ظفر نے شاعرانہ جمالیات کو سینما کی فنی مہارت کے ساتھ جوڑ کر ایسا شاہکار تخلیق کیا ہے جو عقیدت اور محبتِ رسول ﷺ کے جذبات کو نئی بلندیوں پر لے جاتا ہے۔
 ان کے تصور اور ہدایت کاری میں تیار کردہ ویڈیو ایک سحر انگیز اور روح پرور منظرنامہ پیش کرتی ہے، جو نعتیہ فن کی روایت میں ایک نئی مثال قائم کرتی ہے۔