موٹر وے پولیس نے گھر سے ناراض ہو کر بھاگنے والے بچوں کو والدین سے ملوادیا

ترجمان  موٹروے پولیس کا کہنا ہے کہ   موٹر وے پولیس کو ہیلپ لائن 130 پر ایک ڈرائیور عارف کی  کال موصول ہوئی تھی ۔ ڈرائیور نے بتایا کہ دو بچوں نے خود کو جام پور کا رہائشی بتا کرلفٹ لی،لیکن ان کی حرکتیں مشکوک ہیں۔

ترجمان سنٹرل زون نے کہا کہ کال موصول ہونے پر موٹر وے پولیس بیٹ 13 نے فوری کارروائی کرتے ہوئے دونوں بچوں کو اپنی تحویل میں لے لیا تھا، بچوں سے پوچھ گچھ کرنے کے بعد پتا چلا کہ وہ  دونوں بھائی ہیں۔دونوں بھائی حبیب اور مجیب باپ کے ڈانٹنے پر گھر  سے ناراض ہو کر بھاگے تھے ۔

ترجمان سنٹرل زون کا کہنا تھا کہ  لاہور سنٹرل زون سیکٹر-1 کے افسران نے بچوں کے باپ سے لاہور میں  رابطہ کرکے بچے گواہان کی موجودگی میں ان کے حوالے کردیے۔ والدین نے بچوں کو ملانے پر موٹر وے پولیس کے افسران کا شکریہ ادا کیا، سیکٹر کمانڈر عاطف شہزاد نے افسران کو شاباش دی۔