سگی بیٹی سے زیادتی کرکے حاملہ کرنے والے درندہ صفت ملزم کو عدالت نے سزا سنادی

کراچی کی مقامی عدالت نے سگی بیٹی سے متعدد بار جنسی زیادتی کرکے حاملہ کرنے کے مقدمے میں سفاک درندے کو 25 سال قید بامشقت کی سزا سنادی۔
ایڈیشنل ڈسٹرکٹ اینڈ سیشن جج وسطی کی عدالت نے سگی بیٹی سے جنسی زیادتی کرنے کا الزام ثابت ہونے پر ملزم کو 25 سال قید کی سزا سنادی، عدالت نے ملزم پر 2 لاکھ روپے جرمانہ اور دھمکیاں دینے پر مزید 7 سال قید بامشقت کی سزا بھی سنائی۔
 دوران سماعت پراسیکیوٹر حنا ناز نے بتایا کہ 2020 میں ملزم نے اپنے گھر میں سگی بیٹی کو جنسی زیادتی کا نشانہ بنایا، بیٹی نے ماں کو واقعہ بتایا لیکن کوئی ایکشن نا ہوا۔
پراسیکیوٹر نے مزید بتایا کہ ملزم نے معتدد بار بیٹی کو جنسی زیادتی کا نشانہ بنایا، چند ماہ بعد بیٹی نے ایک بچے کو جنم دیا، لڑکی نے ماں کو بتایا کہ یہ بچہ اس کے باپ کا ہے تو اس نے اپنے شوہر کو مارا۔ 
جس کے بعد لڑکی نے فیس بک پر دوستی کے دوران وارث نامی شخص کو سب واقعہ بتایا، وارث سب کچھ سننے کے بعد لڑکی سے شادی پر رضا مند ہوگیا۔
شادی کے بعد متاثرہ خاتون نے شوہر وارث کے ساتھ باپ کے خلاف تھانہ نیو کراچی میں مقدمہ درج کروایا اور عدالت میں اپنے بیان میں باپ کو ملزم قرار دیا۔ 
عدالت نے ریمارکس میں کہا کہ ملزم کے خلاف جرم ڈی این اے سے بھی ثابت ہوتا ہے۔