پی ایس ایل : کراچی کنگز کی جانب سے ہیڈ کوچ تبدیل کرنے کا فیصلہ

پاکستان سپر لیگ ( پی ایس ایل ) کی فرنچائز کراچی کنگز کی جانب سے ہیڈ کوچ تبدیل کرنے کا فیصلہ کرلیا گیا۔

ذرائع کے مطابق پی ایس ایل کے 10 ویں ایڈیشن میں کراچی کنگز کی جانب سے فل سمنز کہ جگہ نیا ہیڈ کوچ لائے جانے کا امکان ہے اور اس کے ساتھ ساتھ شان مسعود کو بھی سیزن ٹین میں کپتانی سے ہٹائے جانے کا امکان ہے۔

کراچی کنگز شان مسعود کی جگہ نیا کپتان لانے کا سوچ رہی ہے تاہم نئے کپتان کا تاحال فیصلہ نہیں ہوسکا ہے۔

واضح  رہے کہ پی ایس ایل 10 کا آغاز 11 اپریل سے ہوگا۔

ذرائع نے بتایا کہ فل سمنز کی بنگلہ دیش ٹیم کی مصروفیات کے باعث انکو کراچی کنگز مینجمنٹ نے تبدیل کرنے کا فیصلہ کیا ہے۔