آڈیو لیکس کیس : وزیراعلیٰ علی امین گنڈا پورکے ناقابل ضمانت وارنٹ گرفتاری برقرار

اسلام آباد:آڈیولیکس کیس میں وزیر اعلی خیبر پختونخوا علی امین گنڈا پور کے ناقابل ضمانت وارنٹ گرفتاری برقرار ہے۔
کیس کی سماعت ڈسٹرکٹ اینڈ سیشن کورٹس اسلام آباد میں ہوئی ،دوران سماعت عدالت نے آڈیو لیکس کیس میں وزیراعلیٰ خیبرپختونخوا علی امین گنڈاپور کے ناقابل ضمانت وارنٹ گرفتاری برقرارکا حکم دے دیا۔
وزیراعلیٰ خیبرپختونخوا علی امین گنڈا پور کی جانب سے وکیل راجا ظہور الحسن ایڈوکیٹ عدالت میں پیش ہوئے، شریک ملزم اسد فاروق عدالت میں پیش ہوئے اور حاضری لگائی۔
عدالت نے علی امین گنڈاپورکے مسلسل غیر حاضر رہنے کی وجہ سے ناقابل ضمانت وارنٹ گرفتاری برقراررکھے، ان کے خلاف اسلام آباد کے تھانہ گولڑہ میں مقدمہ درج ہے۔
کیس کی سماعت ایڈیشنل سیشن جج عبدالغفور کاکڑ کے سیشن جج کے چارج سنبھالنے اور متعلقہ کورٹ میں کسی اور جج کے ٹرانسفر نہ ہونے کی وجہ سے بغیر کارروائی 18 اپریل تک ملتوی کر دی گئی۔