روس : لاپتا مسافر طیارہ سمندر میں گرکر تباہ

غیر ملکی خبر رساں ادارے کے مطابق   روسی میڈیا نے تصدیق کی ہے کہ کچھ دیر قبل لینڈنگ کی کوشش کے دوران لاپتا ہونے والا مسافر طیارہ سمندر میں گر کر تباہ ہوگیاہے ۔   روس کا طیارہ   کامچٹکا کے قریب لاپتاہو ا،   مسافر طیارے میں 28 سے زائد افراد سوار تھے جن میں عملے کے 6ارکان  اور بچے  بھی شامل ہیں ۔

 ایمرجنسی سروسز کی رپورٹ کے مطابق   اے این -26 جہاز کا رابطہ لینڈنگ کے دوران  ائیر ٹریفک کنٹرول کے ساتھ    کامچٹکا جزیرہ پر   منقطع ہو گیا،  جس کے باعث طیار ے کارابطہ نہیں ہوپایا ۔ رپورٹس کا کہنا ہے کہ پیٹروپیولاسک سے پالانا کی  طرف جارہا تھا۔واقعے کے بعد  دو ہیلی کاپٹروں کی مددسے جہاز کی تلاش شروع کردی گئی ہے اور امدادی  ٹیموں کو بھی طلب کرلیا گیا ہے ۔

مزید پڑھیں :  حکومت نے عید سے پہلے سرکاری ملازمین کو خوشخبری سنادی

دوسری جانب  انتظامیہ طیارےکی گمشدگی سے متعلق معلومات لےرہےہیں۔واقعے کی تفصیلات ابھی معلوم کی جارہی ہیں ۔

واضح رہے کہ  فضائی سفر کے حوالے سے روس کا گزشتہ ریکارڈ زیادہ اچھا نہیں ہے  تاہم   حالیہ برسوں  کے دوران  روس کے فضائی   ٹریفک کے ریکارڈ میں بہتری آئی ہے۔لیکن طیاروں کی بحالی اور کارکردگی کے حوالے سے   ناقص معیارات اب بھی برقرار ہیں اور حالیہ برسوں میں ملک میں کئی ہلاکت خیز فضائی حادثات دیکھنے میں آئے ہیں۔

مئی 2019 ، روس میں آخری بڑا  فضائی حادثہ ہوا تھا ، جب فلیگ کیریئر ایئرلائن ایرو فلوٹ سے تعلق رکھنے والا ایک سپر جیٹ ماسکو کے ہوائی اڈے کے رن وے پر گر کر تباہ ہوگیا تھا ، جس میں 41 افراد ہلاک ہوگئے تھے۔