عالمی بینک نے پاکستان کے لیے 300 ملین ڈالر قرض کی منظوری دے دی

اسلام آباد:عالمی بینک نے پاکستان کیلئے 300 ملین ڈالر قرض پروگرام کی منظوری دے دی۔
عالمی بینک کے مطابق، یہ رقم صوبہ پنجاب میں فضائی آلودگی کے خاتمے اور ہوا کے معیار کو بہتر بنانے کے لیے خرچ کی جائے گی۔
عالمی بینک کے بیان میں کہا گیا ہے کہ اس قرض سے پنجاب حکومت کے ”اسموگ مٹی گیشن ایکشن پلان“ کو تقویت ملے گی، جس کا مقصد جامع اقدامات کے ذریعے عوامی صحت کو بہتر بنانا ہے۔
اس حوالے سے پروگرام کنٹری ڈائریکٹر عالمی بینک کا کہنا تھا کہ کہ اس اقدامات کے ذریعے ہوا کے معیار اورعوامی صحت کو بہتر بنانا ہے،  پنجاب کلین ایئر پروگرام سموگ کم کرنے کا منصوبہ ہے، لاکھوں شہریوں کی صحت اور بہبود کو بہتر بنانے کی ایک اہم کوشش ہے، صاف ہوا سے سانس اور دل کی بیماریوں میں کمی آئے گی۔
انہوں نے مزید بتایا کہ منصوبہ عالمی بینک کے نئے کَنٹری پارٹنرشپ فریم ورک کے تحت ہے، جس کے تحت آئندہ دس سالوں میں پی ایم 2.5 کی سطح میں 35 فیصد تک کمی لانے کا ہدف رکھا گیا ہے۔
 اس منصوبے سے لاہور ڈویژن کے 1.3 کروڑ شہریوں کو فضائی آلودگی سے پیدا ہونے والی بیماریوں میں کمی کا فائدہ پہنچے گا۔