پی ایس ایل میچز کے ٹکٹوں کی فروخت کل سے شروع ، کم سے کم قیمت کتنی ہے؟

لاہور:پاکستان کرکٹ بورڈ (پی سی بی) نے کہا ہے کہ پی ایس ایل ایڈیشن 10 کے میچز کے ٹکٹوں کی فروخت کل سے شروع ہو گی۔
پی سی بی کے مطابق ٹکٹ سہ پہر 3 بجے آن لائن دستیاب ہوں گے جبکہ فزیکل ٹکٹوں کی فروخت 7 اپریل سے نجی کوریئر سینٹرز پر شروع ہو جائے گی، جبکہ آن لائن بک کی گئی ٹکٹیں نجی کوریئر کے مقرر کردہ پک اپ مراکز سے حاصل کی جا سکیں گی۔
 پاکستان سپر لیگ کا دسواں ایڈیشن چار شہروں راولپنڈی، کراچی، لاہور اور ملتان میں کھیلی جائے گا، جبکہ ایونٹ کا فائنل قذافی اسٹیڈیم لاہور میں 18 مئی کو کھیلا جائے گا۔
 پی ا یس ایل کے چاروں وینیوز کیلئے عام ٹکٹ کی قیمت 650 روپے مقرر کی گئی ہے۔
راولپنڈی کرکٹ اسٹیڈیم میں اسلام آباد یونائیٹڈ اور لاہور قلندرز کے درمیان افتتاحی میچ کے ٹکٹ 1000 روپے سے 8500 روپے تک میں دستیاب ہوں گے۔
دوسری جانب پی سی بی نے شائقین کی دلچسپی بڑھانے کے لیے ہر میچ میں ایک ٹکٹ ریفل کا بھی اعلان کیا ہے، جس کے تحت شائقین کو دلچسپ انعامات جیتنے کا موقع ملے گا۔ اس حوالے سے مزید تفصیلات جلد جاری کی جائیں گی۔