پی ٹی آئی رہنما حماد اظہر پارٹی عہدوں سے مستعفی

لاہور:پاکستان تحریک انصاف(پی ٹی آئی) کے رہنما حماد اظہر نے تمام پارٹی عہدوں سے استعفیٰ دے دیا۔
تفصیلات کے مطابق حماد اظہر کے پاس پی ٹی آئی پنجاب کے سیکرٹری جنرل اور قائم مقام صدر کے عہدے تھے۔
اس موقع پرحماد اظہر نےگفتگو کرتے ہوئے کہا کہ پی ٹی آئی کے تمام عہدے چھوڑ رہا ہوں اور آئندہ بطور کارکن اپنی جدوجہد جاری رکھوں گا۔
حماد اظہر کا کہنا تھا کہ بانی پی ٹی آئی کو اعظم سواتی نے بتایا کہ عالیہ حمزہ کو کام کرنے میں رکاوٹ کا سامنا ہے، جب بانی پی ٹی آئی نے پوچھا تو اعظم سواتی نے میرا نام لیا۔
رپورٹس کے مطابق حماد اظہر نے جب عالیہ حمزہ سے استفسار کیا تو انہوں نے کسی بھی رکاوٹ پر حیرت کا اظہار کیا۔
 حماد اظہر کا کہنا تھا کہ وہ پہلے بھی دو بار استعفیٰ دے چکے تھے، لیکن اسے مسترد کر دیا گیاتھا مگر اب وہ تیسری بار عہدہ چھوڑ رہے ہیں اور یہ استعفیٰ ناقابل واپسی ہے۔
 ان کامزیدکہنا تھا کہ آئندہ وہ کسی بھی پارٹی عہدے کے خواہشمند نہیں ہیں۔