گلوکار عاصم اظہر کی منگنی کی خبریں سوشل میڈیا پر گردش کرنے لگیں

تفصیلات کے مطابق سوشل میڈیا پر یہ خبر گردش کر رہی ہے کہ گلوکار عاصم اظہر نے فیشن بلاگر اور ماڈل میرب علی کے ساتھ منگنی کرلی ہے۔

سوشل میڈیا کے مختلف پلیٹ فام پر یہ قیاس آرائی کی جارہی ہے کہ گلوکار کی میرب علی سے منگنی ایک نجی تقریب میں ہوئی ہے, دونوں آپس میں بہت اچھے دوست ہیں مختلف مقامات پر دونوں کو ایک ساتھ بھی متعدد مرتبہ دیکھا جا چکا ہے جبکہ میرب علی کی جانب سے گلوکار کے ساتھ گلوکاری کرتے ہوئے ویڈیو بھی شیئر کی جاچکی ہے۔

یاد رہے کہ میرب علی نے اس سے قبل اداکار عاصم اظہر کی والدہ کے ساتھ تصویر بھی شیئر کی ہے۔

تاہم دونوں کی جانب سے اس منگنی کی تردید یا تصدیق نہیں کی گئی ۔اس سے قبل عاصم اظہر کا ہانیہ عامر کے ساتھ تعلقات کا چرچا زیر بحث رہا ہے۔