پی ایس ایل 10: لاہور قلندرز نے نئی جرسی کی رونمائی کر دی

لاہور قلندرز نے پاکستان سپر لیگ( پی ایس ایل) 10 کے لیے نئی جرسی کی رونمائی کر دی۔

ٹیم مینجمنٹ کی طرف سے اس بار بھی ٹیم کی جرسی کے روایتی رنگ کو برقرار رکھا گیا ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Lahore Qalandars (@lahoreqalandars)

قلندرز نے سوشل میڈیا پر ایک ویڈیو کے ذریعے نئی کٹ لانچ کی۔ ویڈیو میں ٹیم کے کھلاڑیوں کپتان شاہین شاہ آفریدی، سکندر رضا، اوپننگ بیٹر فخر زمان، آصف علی اور دیگر کھلاڑیوں کو نئی کٹ زیب تن کیے دیکھا گیا۔

2 بار کی پی ایس ایل چیمپئن لاہور قلندرز نے اپنی ہوم اور اوے جرسی بھی پیش کی، جو مختلف رنگوں میں ڈیزائن کی گئی ہیں۔

اس کے علاوہ اتوار کو لاہورکے گریٹراقبال پارک میں قلندرز نائٹ کا اہتمام کیا گیا۔ تقریب میں لاہور قلندرز کی کٹ کے ساتھ آفیشل ترانہ لانچ کیا گیا اورکپتان شاہین شاہ آفریدی کی سالگرہ کا کیک بھی کاٹا گیا۔

تقریب میں معروف گلوکاروں نے اپنے فن کا مظاہرہ کیا۔ تقریب میں لیزر شو کا اہتمام بھی کیا گیاجسے شہریوں نے بہت پسند کیا۔

واضح رہے کہ 11 اپریل کو پی ایس ایل 10 کا افتتاحی میچ دفاعی چیمپئن اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں کھیلا جائے گا۔