وزیر اعلیٰ پنجاب مریم نواز کی ہدایت پر صوبے میں گندم خریداری پلان پر اجلاس

لاہور : وزیر اعلیٰ پنجاب مریم نواز شریف کی ہدایت پر صوبے میں گندم خریداری پلان پر اجلاس ہوا ۔ 

اجلاس میں وزیر زراعت پنجاب سید عاشق کرمانی اور معاون خصوصی برائے پرائس کنٹرول سلمی بٹ کی پاکستان فلار ملز ایسوسی ایشن کے نمائندگان  بھی شریک ہوئے ۔ 

 سیکرٹری زراعت پنجاب افتخار علی سہو اور سیکرٹری پرائس کنٹرول اینڈ کماڈیٹیز مینجمنٹ محمد اجمل بھٹی بھی شریک ہوئے ۔ 

فلار ملز ایسوسی ایشن سے صوبے میں بہترین نرخوں پر گندم خریداری کے حوالے سے لائحہ عمل پر گفتگو کی گئی ۔ 

وزیر زراعت پنجاب کا کہنا تھا کہ وزیر اعلیٰ پنجاب کی ہدایت پر کسانوں کو گندم کی فصل کے بہترین نرخ دلوانے کیلئے ہر ممکن اقدامات کیے جائیں گے۔ 

واضح رہے کہ معاون خصوصی برائے پرائس کنٹرول سلمی بٹ نے کہا کہ  گندم کی بین الصوبائی ترسیل پر کوئی پابندی نہیں ہے ۔