بیٹی سے جنسی زیادتی کے مجرم کوعدالت نے عمر قید کی سزاسنادی

ملتان:ملتان کی ضلعی عدالت نے بیٹی سے جنسی زیادتی کے مجرم کو عمر قید کی سزا سنا دی۔
ترجمان ملتان پولیس کے مطابق کیس کی سماعت ایڈیشنل سیشن جج ملتان کی عدالت میں ہوئی جہاں عدالت نےجرم ثابت ہونے پر مجرم محمد فیصل کو عمر قید اور 1 لاکھ روپے جرمانے کی سزا سنائی۔
ترجمان ملتان پولیس نے بتایا کہ سال 2023 میں مجرم نے اپنی 13 سالہ بیٹی کو جنسی تشدد کا نشانہ بنایا تھا۔
ترجمان نے بتایا کہ عدالت نے فیصلہ جدید تفتیشی طریقوں کی روشنی میں دیا،فیصلے کے مطابق جرمانہ ادا نہ کرنے کی صورت میں مجرم کو 6 ماہ کی اضافی قید بھگتنا ہوگی۔
ترجمان پولیس کا کہنا ہے کہ عدالتی فیصلہ بچوں کیخلاف جنسی جرائم کے مرتکب افراد کے لیے ایک واضح پیغام ہے کہ بچوں کیساتھ جنسی زیادتی کرنے والے مجرموں کو کوئی رعایت نہیں دی جائے گی۔