تفصیلات کے مطابق صدر مملکت پاکستان  ڈاکٹرعارف علوی نے ٹوئٹر پر  پیغام میں لیجنڈ اداکار دلیپ کمار کے انتقال پر  اظہار افسوس کیا ہے۔عارف علوی نے کہا کہ دلیپ  کمار (یوسف خان) کو اپنے دنیاوی گھر سے رخصت ہوتا دیکھ کر افسوس ہوا۔ وہ ایک عمدہ اداکار، شائستہ انسان اور ایک باوقار شخصیت کے حامل تھے۔ انہوں نے دلیپ کمار کے  اہل خانہ اور مداحوں کی بڑی تعداد سے تعزیت کااظہار کرتے ہوئے دعا کی کہ  اللہ انکی روح کو سکون بخشے۔

دلیپ کمار (یوسف خان) کو اپنے دنیاوی گھر سے رخصت ہوتا دیکھ کر افسوس ہوا۔ وہ ایک عمدہ اداکار، شائستہ انسان اور ایک باوقار شخصیت کے حامل تھے۔ انکے انتقال پر اہل خانہ اور مداحوں کی بڑی تعداد سے تعزیت۔ اللہ انکی روح کو سکون بخشے۔
اِنَّا لِلّٰہِ وَاِنَّآ اِلَیْہِ رَاجِعُوْنَ

— Dr. Arif Alvi (@ArifAlvi) July 7, 2021

وزیر داخلہ شیخ رشید احمد نے بھی اداکار دلیپ کمار کی وفات پراظہار افسوس کیا ہے۔ انہوں نے کہا دلیپ کمار ایک عہد ساز فنکار تھے، انکا متبادل ممکن نہیں۔ میں نے اپنی ملاقاتوں میں یوسف خان کو ایک سحر انگیزشخصیت پایا اللہ تعالی یوسف خان کے درجات بلند کرے۔ ان کی لواحقین کو صبر عطا کرے۔

اداکار یوسف خان المعروف دلیپ کمار کی وفات پراظہار افسوس

دلیپ کمار ایک عہد ساز فنکار تھے؛ انکا متبادل ممکن نہیں۔

اپنی ملاقاتوں میں بھی میں نے یوسف خان کو ایک سحر انگیزشخصیت پایا۔

اللہ تعالی یوسف خان کے درجات بلند کرے۔ ان کی لواحقین کو صبر عطا کرے۔

— Sheikh Rashid Ahmed (@ShkhRasheed) July 7, 2021

وفاقی وزیراطلاعات فوادچودھری نے افسوس کا اظہار کرتے   ہوئے کہا کہ دلیپ کمار کی وفات فلمی دنیا کے لیے ایک بڑا نقصان ہے۔ دلیپ کمار کی وفات فلمی دنیا کے ایک سنہری عہد کا تمام ہونا ہے، بھارتی فلم نگری میں یوسف خان بن کر جانے والے کو دلیپ کمار کی غیر معمولی شہرت نے بام عروج پر پہنچا دیا۔ان کاکہنا تھا کہ جہاں جہاں اردو بولی اور سمجھی جاتی ہے دلیپ کمارکا نام دلوں کی دھڑکن ہے۔ وہ اپنے فن کی صورت اپنے چاہنے والوں کے دلوں میں زندہ رہیں گے۔

An Iconic hero! Dilip Kumar is no more,loved by Millions of people in the sub continent and around the world tragedy king will be missed always... RIP Yousaf Khan aka Dilip Kumar https://t.co/xoQYV014xA

— Ch Fawad Hussain (@fawadchaudhry) July 7, 2021

یوسف خان المعروف دلیپ کمار کے انتقال پر گورنر سندھ  عمران اسماعیل نے تعزیتی پیغام میں کہاکہ یوسف خان 1944 سے اپنی اداکاری کے جوہر دکھا رہے تھے۔لازوال اداکاری پر ان کو شہنشاہ جذبات کے خطاب سے یاد کیا جاتا تھا۔فلم انڈسٹری کے لئیے خدمات کے پیش نظر 1998 کو انہیں پاکستان کے سب سے بڑے سویلین اعزاز نشان پاکستان سے بھی نوازا گیا۔

پی ٹی آئی سینیٹر فیصل جاوید ، مسلم لیگ ن رہنما و قائد حزب اختلاف شہباز شریف ، مشیر اطلاعات خیبرپختونخوا کامران بنگش سمیت دیگر رہنماؤں نے بھی افسوس کااظہار کیاہے ۔

مزید پڑھیں :عظیم اداکار دلیپ کمار کی زندگی پر ایک نظر

واضح رہے کہ بالی ووڈ انڈسٹری  پر طویل عرصے تک راج کرنے والے لیجنڈری اداکار یوسف خان المعروف دلیپ کمار 98 برس  کی عُمر میں انتقال کر گئے۔دلیپ کمار کے انتقال کی خبر اُن کے تصدیق شدہ ٹوئٹر اکاؤنٹ پر اُن کے ترجمان فیصل فاروقی کی جانب سے دی گئی ہے۔

خیال رہے کہ لیجنڈری اداکار دلیپ کمار گزشتہ کئی سالوں سے بیمار تھے جس کی وجہ سے اُنہیں اکثر معائنے کے لیے اسپتال منتقل کیا جاتا تھا۔دلیپ کمار سانس لینے میں دشواری کی وجہ سے ممبئی کے اسپتال میں زیرِ علاج تھے۔