عدالت کابانی پی ٹی آئی کی بچوں سے بات اور میڈیکل چیک اپ کروانے کا حکم

اسلام آباد کی عدالت نے بانی پی ٹی آئی کی دو درخواستیں منظور کرتے ہوئےبچوں سے بات اور میڈیکل چیک اپ کرانے کا حکم دے دیا۔
اسلام آباد کی سیشن عدالت میں بانی پی ٹی آئی کی بچوں سے بات اور میڈیکل چیک اپ کرانے کی درخواست پر سماعت ہوئی۔
اسپیشل جج سینٹرل ایف آئی اے شاہ رخ ارجمند نے محفوظ فیصلہ سنایا، عدالت نے بانی پی ٹی آئی دونوں درخواستیں منظور کر لی۔
عدالت نے بانی پی ٹی آئی کی بچوں سے بات اور میڈیکل چیک اپ کروانے کا حکم دے دیا، اس کے علاوہ عدالت نے حکم پر عملدرآمد کی رپورٹ 28 اپریل کو جمع کروانے کی ہدایت بھی کر دی۔
دوسری جانب انسداد دہشتگردی عدالت کے باہر میڈیا سے گفتگو کرتے ہوئے پی ٹی آئی رہنما اعظم سواتی نے کہا کہ بانی پی ٹی آئی کو مذاکرات کے لیے راضی کر لیا ہے، اگر ملک کو تباہی سے بچانا ہے تو اس کا واحد حل مذاکرات ہیں۔
سابق وفاقی وزیر اعظم سواتی نے دعویٰ کرتے ہوئے کہا کہ بانی پی ٹی آئی کو مذاکرات کے لیے ہم نے راضی کیا ہے۔ 
انہوں نے مزید کہا کہ جب کوئی بات چیت شروع ہوگی تو بڑی سود مند ثابت ہو گی،ان کا کہنا تھا کہ برف پگھلی ہے یا نہیں، کچھ کہہ نہیں سکتا۔ یہ ملک سب کا سانجھا ہے اور مذاکرات ہی حل کا واحد راستہ ہے، اس ملک سے ہماری نسلوں کی تقدیر جڑی ہوئی ہے۔